Сексеуіл кескен азаматқа 9 млн теңгеден астам айыппұл салынды

 Алматыда Қызыл кітапқа енген ағашты сатпақ болған азамат қолға түсті. Кәуәп пісіру маусымында табиғат аясына шығатындарға арнап 131 келіні отын күйінде бұталап қойған пысықайдың әрекеті арнайы тексерісте әшкереленді, деп хабарлайды Azattyq Rýhy КТК арнасына сілтеме жасап.

Тексерісті тәртіп сақшылары алдымен халық ең көп шоғырланатын орындардан бастаған. Базар, сауда үйлері, сексеуіл сату нүктелері, кәуап пісіретін қоғамдық тамақтану орындарын аралағандар саудагерді «Таугүл» шағын ауданында құрықтапты. Айыпталушы қоймаға ағашты қорап-қорабымен жинаған. Қазір оған ҚР ҚК 339-бабы бойынша сотқа дейінгі тергеу басталды. Сексеуіл кесуге 2023 жылдың соңына дейін тыйым салынған. Енді алыпсатарға үш мың айлық есептік көрсеткіш, яғни 9 миллионнан аса айыппұл салынып, үш жылға дейін бас бостандығынан айыруы мүмкін.