Украинадан қашқан босқындар саны 5,7 миллионнан асты

24 ақпан мен 5 мамыр аралығында 5 707 967 босқын Украинаның көрші елдермен шекарасын кесіп өтті. Бұл туралы Біріккен Ұлттар Ұйымының Босқындар ісі жөніндегі Жоғарғы Комиссарының басқармасы (UNHCR) мәлімдеді, деп хабарлайды Azattyq Rýhy.

БҰҰ БЖКБ мәліметінше, 24 ақпаннан бері елден кеткен Украина азаматтарының жартысынан көбі Польшаға орналасқан.

Осылайша, Польшаға – 3 119 196, Румынияға – 854 292, Ресейге – 714 713, Венгрияға – 545 311, Молдоваға – 450 797, Словакияға – 388 282, Беларуське 25 852 украиналық кеткен.

Сонымен қоса, БҰҰ БЖКБ 2022 жылдың 18-23 ақпаны аралығында Украинаның Донецк және Луганск облыстарынан Ресейге 105 000 адамның кеткенін хабарлады.