ШҚО-да ҰОС ардагерлеріне 1,5 миллион теңгеден беріледі

Шығыс Қазақстан облысында Ұлы Отан соғысы ардагерлеріне 1,5 миллион теңге көлемінде сыйақы беріледі, деп хабарлайды Azattyq Rýhy.

Биыл келесі көлемде біржолғы материалдық көмек көрсету жоспарланған (01.04.2022 ж. көрсетілген тұлғалар саны):

• 42 ҰОС қатысушысы мен мүгедектеріне – 1,5 млн теңгеден;
• Кеңес әскерінің ерікті жалдама құрамының 1 адамына – 100 мың теңгеден;
• Блокада кезеңінде жұмыс істеген 9 адамға – 100 мың теңгеден.;
• Концлагерьлердің 17 бұрынғы кәмелетке толмаған тұтқындарына – 100 мың теңгеден;
• 393 ҰОС қатысушылары мен мүгедектерінің жесірлеріне – 100 мың теңгеден;
• 218 наградталған тыл еңбеккерлеріне – 100 мың теңгеден;
• 10 074 марапатталмаған тыл еңбеккерлеріне – 50 мың теңгеден.

10 754 ардагер, оларға теңестірілген және еңбек ардагерлері үшін төлемдердің жалпы сомасы 630 500 мың теңгені құрайды.