Қостанай облысындағы су қоймасынан учаскелік полицейдің денесі табылды

Қостанай облысында аудандық полиция бөлімінің учаскелік инспекторы рейдке кетіп, содан байланысқа шықпай қалған еді. Оның денесі су қоймасына батып кеткен қызметтік көліктен табылды. Бұл туралы облыстық ПД баспасөз қызметі мәлім етті, деп хабарлайды Azattyq Rýhy.

«Қостанай облысының Әулиекөл полиция бөлімінің учаскелік инспекторы 28 сәуір күні бекітілген учаскеде рейдтік жедел-алдын алу іс-шараларын жүргізген болатын. Алайда, ол бір уақытта байланысқа шықпай қалды. Бірден іздеу шаралары басталып кетті. Жергілікті аймақты тексеру кезінде су қоймасына батып кеткен автокөлік табылды, полицейдің денесі соның салонынан шықты. Онда көрінетін дене жарақаттары жоқ-, - деп хабарлады облыстық полиция департаментінің баспасөз қызметі.

 Қазіргі уақытта аталған дерек бойынша сотқа дейінгі тергеу және қызметтік тексеру басталды.