Павлодарда көші-қон басқармасы басшысының орынбасарына үкім шықты

Лауазымды тұлға көрші ел азаматының Қазақстанда болу мерзімін ұзарту үшін ақша сұрап отырған. Бұған дейін ол кінәсін толық мойындаған еді, соңғы сөзінде тек айыппұл салуды сұрады. Бұл туралы Azattyq Rýhy Ирбис арнасына сілтеме жасап хабарлайды.

Алайда сот үш жылға бас бостандығынан айыру туралы үкім шығарды. Ол қылмыстық атқару жүйесінің қауіпсіздігі орташа мекемесінде жазасын өтейтін болады. Сонымен қатар өмір бойына мемлекеттік қызметте жұмыс істеу құқығынан және полиция капитаны лауазымынан айырылды.

Сотталушы бірден қамауға алынды. Үкім әлі заңды күшіне енген жоқ.