Алматыда ақылы автотұрақтар қала меншігіне қайтарылды

"Алматы спецтехпаркинг сервис" ЖШС үлесінің 70% және "Alan Parking" ЖШС үлесінің 100% қала меншігіне қайтарылды, деп хабарлайды Azattyq Rýhy қала әкімінің баспасөз қызметіне сілтеме жасап.  

Меншік иелері қылмыстық іс қозғалып, ұрлық жасады деген айып тағылғаннан кейін ақылы тротуарлар мен алаңдағы тұрақтарды мемлекетке қайтаруды шешті.

«Енді барлық ақылы тұрақтар толығымен коммуналдық меншікте. 25 сәуірден бастап автотұрақтардан түскен барлық кіріс қалалық бюджетке түседі. Бұған дейін қаражат жеке компаниялардың шоттарына түскен. Көлік тұрақтарының айналымы жылына орта есеппен 1,4 млрд теңгені құрады», делінген хабарламада.

Халықаралық тәжірибені пайдалана отырып, көлік тұрақтарынан түскен ақшаны көшелер мен аулаларды абаттандыруға бағыттау жоспарлануда. Жұмыс істеп тұрған серіктестіктердің орнына мемлекеттік кәсіпорын құрылатын болады.

Ақылы тұрақ жүйесі 2016 жылы енгізілді. Алматыда 11 мың ақылы тұрақ орны бар, бұл қаланың жалпы тұрақ кеңістігінің 15% - ын құрайды.