Алматыда нысандарға бомба қойылғаны жөнінде жалған ақпарат бойынша қылмыстық іс қозғалды

Алматыда әуежай мен сауда орталығына бомба қойылғаны туралы жалған ақпарат бойынша қылмыстық іс қозғалды, деп хабарлайды Azattyq Rýhy.

Белгілі болғандай аталған дерекке қатысты Қылмыстық кодекстің 273-бабы (терроризм актісі туралы көрінеу жалған хабарлау) бойынша сотқа дейінгі тергеу амалдары басталды.

«Қазіргі уақытта жарылғыш зат туралы хабарлаған белгісіз адамды анықтау бойынша жедел-іздестіру шаралары жүргізіліп жатыр. Алматы қаласының полиция департаменті жарылғыш зат қойғаны туралы жалған ақпарат таратқан адам қылмыстық жауапкершілікке тартылатынын ескертеді», - деді қалалық полиция департаментінің ресми өкілі Салтанат Әзірбек.