Алматы облысында өткен жылы 24 ана өлімі тіркелген

Azattyq Rýhy

Аналардың көпшілігі коронавирус жұқтырғаннан кейін басқа да дерттердің асқынуынан көз жұмған

Алматы облысында өткен жылы 24 ана өлімі тіркелген
Фото ашық дереккөзден

Алматы облысында өткен жылы 24 ана өлімі тіркелген, деп хабарлайды Azattyq Rýhy ҚазАқпаратқа сілтеме жасап.

Босанғаннан кейін қайтыс болу жағдайлары негізінен Қарасай, Панфилов, Еңбекшіқазақ аудандары мен Қапшағай қалаларында болған. Дәрігерлердің айтуынша, аналардың басым бөлігі коронавирус жұқтырғаннан кейін басқа да дерттердің қозуынан көз жұмған. Бұл «Дені сау ұлт» жобасындағы көрсеткіштер бойынша өңірдің деңгейін төмендетіп отыр. Талдықорғанда өткен алқалы жиында биыл мұндай қайғылы оқиғаларға жол бермеу жолдары қарастырылды. Қалада мамандарды оқыту, қажетті құрал жабдықтар сатып алу мәселелері қолға алынбақ. Сондай-ақ нәресте өлімі бойынша да облыстың көрсеткіштері республикалықтан едәуір жоғары. Басты себеп – маман тапшылығы.

«Қазіргі таңда Алматы облысында 292 дәрігер жетіспейді. Соған қарай қазіргі таңда Алматы облысының әкімі бізге тапсырма беріп отыр. Біріншіден ол үй мәселесі шешілу керек. Сол кезде мамандардың да жұмыс істеуге қызығушылығы артады деп ойлаймыз»,- деді Алматы облыстық Денсаулық сақтау басқармасының басшысы Өмірзақ Ниязбеков.


 

 

×
Бұл желілік ресурстың ақпараттық өнімдері 18 жастан асқан адамдарға арналған.