Ғашықтар күнінде түрмеде той болды. СҚО-да жазасын өтеп жатқан әйел тұрмысқа шықты

Azattyq Rýhy

Қалыңдық ұрлық жасағаны үшін жазасын өтеп жатыр

Ғашықтар күнінде түрмеде той болды. СҚО-да жазасын өтеп жатқан әйел тұрмысқа шықты
фото Polisia.kz сайтынан алынды

 Бүгін Қозы Көрпеш – Баян Сұлу ғашықтар күнінде СҚО-дағы абақтылардың бірінде сотталған әйел отбасын құрды, деп хабарлайды Azattyq Rýhy Ішкі істер министрлігінің медиа орталығына сілтеме жасап.

Сәния СҚО бойынша Қылмыстық-атқару жүйесі департаментіне қарасты ЕС-164/6 мекемесіне ұрлық жасағаны үшін 4 жылға сотталған.

«Мен Дәулетпен ортақ достарымыз арқылы таныстым. Танысқан уақытта ол астанада тұрды, мен СҚО бойынша ҚАЖД ЕС-164/6 мекемесінде жазамды өтеп жаттым. Дәулет менің суретімді достарымнан көріп, маған кездесуге келе бастады. Бірнеше рет қысқа мерзімді кездесуге келді, таныстық, сөйлестік. Біз бір жылдан астам уақыт сөйлестік, таксофон бойынша да хабарласып тұрдық, жақында ол маған ұсыныс жасады, гүл сыйлады. Бұл өмірімдегі қуанышты күндердің бірі болды. Менің бұрынғы некемнен балаларым бар, мен балалардың толыққанды отбасында өскенін қалаймын. Менің ойымша, ол менің балаларым үшін жақсы әке бола алады. Қазір мен 35 жастамын, ол 41 жаста. Біз онымен аптасына бір рет 15 минут қоңырау шалу арқылы байланысып тұрамыз. Ол маған кездесуге келеді. Әрине, мен оның маған ұсыныс жасайтынын күттім. Менің мерзімімнің соңына дейін тағы 3 жыл бар. Біздің некеміз осындай жарқын мерекеде тіркелгені мен үшін үлкен қуаныш. Бүгін мен өзімді шын бақытты әйел ретінде сезіндім», – дейді сотталған әйел.

«Мекемелерде некеге тұру сирек жағдай емес. Көптеген жағдайларда бас бостандығынан айыру орындарында жасалған неке сотталғандарға оң әсер етеді. Олар сотталғанды мерзімінен бұрын босатуға ынталандырады», – дейді СҚО бойынша ҚАЖД бастығы Рустан Ахметжанов.

Осы жылы Солтүстік Қазақстан облысының мекемелерінде сотталғандар арасында төрт неке қиылды.

×
Бұл желілік ресурстың ақпараттық өнімдері 18 жастан асқан адамдарға арналған.