Алматы зообағында кенгуру төлдеді

Azattyq Rýhy

Кішкентай кенгуру шамамен қаңтар айында туған

Алматы зообағында кенгуру төлдеді
Фото: pixabay.com

Алматы қалалық зообағында Лара атты кенгуру төлдеді, бұл - Лараның төртінші төлі, деп хабарлайды Azattyq Rýhy зообақтың Instagram парақшасына сілтеме жасап.

Кенгурудың дәл қай күні туғанын анықтау қиын болып тұр. Себебі, кенгуру төлі өте кішкентай, көлемі небәрі 25 мм болады. Ол туа салып, анасының қалтасына өрмелеп шығып, сонда жарты жыл бойы өсіп-жетіледі. Кішкентай кенгурудың өмірге келгенін зообақ қызметкерлері анасының жүріс-тұрысы, мінез-құлқынан байқап, түсінген.

Кішкентай кенгуру шамамен қаңтарда туған. Бірақ, біз оны тек наурызда ғана, анасының қалтасынан басын шығара бастаған кезде байқадық. Бұл - Лара мен Мараттың төртінші төлі. Олар сусиырларға қарама-қарсы қоршауда тұрады. Кішкентай кенгуруды дұрыстап қарап, жынысын анықтауымыз керек. Оның есімін әлі қойған жоқпыз. Өз ұсыныс-нұсқаларыңызды жолдап, жазбаларыңызда пікір қалдырыңыздар. Кенгуруға қарайтын киперлер ұнаған есімді өздері таңдап алады, - делінген хабарламада.

 

×
Бұл желілік ресурстың ақпараттық өнімдері 18 жастан асқан адамдарға арналған.