«Өте көп дәрі ішкен»: Шымкент қалалық полиция департаментінің баспасөз хатшысының жағдайы белгілі болды

Дәрігерлер Шымкент қалалық полиция департаментінің баспасөз хатшысы Мөлдір Бекееваның жағдайы туралы айтты, деп хабарлайды Azattyq Rýhy.

Дәрігерлердің айтуынша, Бекеева өте көп дәрі ішіп өлмек болған. Алайда бұл дәрігерлердің алдын ала болжамы ғана. Бекеева ауруханаға кеше, 6 сәуір күні түнде түскен.

«Науқас түнгі сағат 01.30-да жедел жәрдеммен ауруханаға түсті. Дәрігерлер оны бірден реанимацияға жатқызды. Оның жағдайы өте ауыр, бірінші дәрежелі комада еді. Қазір жағдайы тұрақты ауыр», - деді дәрігерлер.

Айта кетейік, Мөлдір Бекеева кеше түнде әлеуметтік желіде үстінен қылмыстық іс қозғалғандықтан жұмыстан ғана емес өмірден де кететінін хабарлаған еді.