Елімізде коронавирус пневмониясы бір адамнан анықталды

Денсаулық сақтау министрлігі 2022 жылдың 4 сәуірдегі коронавирус инфекциясымен ауырғандарға қатысты ақпаратты жариялады, деп хабарлайды Azattyq Rýhy COVID-19 таралуына жол бермеу жөніндегі ВАК мәліметіне сілтеме жасап.

Өткен тәулікте COVID-19 вирусынан қайтыс болғандар тіркелген жоқ.

4 сәуірдегі мәлімет бойынша, 2 523 адам коронавирус инфекциясынан (–1 504+ және 1 019 КВИ-) емделуде, олардың ішінде 293 пациент стационарда, 2 230 науқас амбулаториялық деңгейде ем қабылдауда.

КВИ+, КВИ- шалдыққандардың арасында:

- 17 адамның жағдайы ауыр,

- 8 пациенттің жағдайы өте ауыр,

- 5 науқас ӨЖЖ аппаратында жатыр.

Сондай-ақ COVID-19 пневмониясына қатысты ақпаратқа сүйенсек, 4 сәуірдегі мәлімет бойынша 1 жаңа жағдай тіркелді, 7 адам емделіп шықты, өлім жағдайы тіркелген жоқ.

Жалпы, 2020 жылдың 13 наурыздан бастап:

- науқастар саны – 88 705;

- өлім жағдайы – 5 352;

- жазылып шықты – 82 334.