Сәуірдің бірінші күніне арналған ауа райы болжамы

Azattyq Rýhy

Елміздің басым бөлігінде жауын-шашынсыз ауа райы болады

Сәуірдің бірінші күніне арналған ауа райы болжамы
Фото: ашық дереккөзден

Синоптиктер 1 сәуірге арналған ауа райы болжамын жариялады, деп хабарлайды Azattyq Rýhy тілшісі.

«Республиканың басым бөлігі әлі де антициклон жотасының ықпалында болғандықтан, жауын-шашынсыз ауа райы болады. Тек елдің солтүстігінде, солтүстік-батысында Солтүстік-батыс циклон әлі де өз әсерін тигізеді, осыған байланысты жаңбыр мен қар түрінде жауын-шашын жауады. Республика бойынша тұман түсіп, желдің күшеюі, солтүстікте - жаяу бұрқасын, көктайғақ болады», - делінген «Қазгидромет» РМК баспасөз хабарламасында.

Түнде және таңертең Солтүстік Қазақстан облысының солтүстігінде, батысында тұман түседі, көктайғақ, жаяу бұрқасын болады, облыстың солтүстігінде, батысында жел 15-20 м/с күшейеді.

Қостанай облысының солтүстігінде, оңтүстігінде тұман түсіп, көктайғақ болады, солтүстігінде, шығысында 15-20 м/с күшейеді.

Түнде және таңертең Жамбыл облысының оңтүстігінде, солтүстік-шығысында және таулы аудандарында тұман түседі, түнде солтүстік-шығысында және таулы аудандарда жел 15-20 м/с күшейеді.

Батыс Қазақстан облысының солтүстік-батысында тұман түсіп, күндіз облыстың батысы мен солтүстігінде жел15-20 м/с күшейеді.

Алматы облысының Алакөл көлдерінің ауданында жел 15-20, екпіні 25 м/с күшейеді.

Түнде және таңертең Ақмола облысының батысында, оңтүстігінде тұман түседі, облыстың солтүстігінде, батысында жел 15-20 м/с күшейеді.

Атырау облысының солтүстігінде, түнде және таңертең Маңғыстау, Павлодар облыстарының оңтүстігінде, түнде Шығыс Қазақстан облысының шығысында, Ақтөбе облысының оңтүстігінде тұман болады.

 
 
×
Бұл желілік ресурстың ақпараттық өнімдері 18 жастан асқан адамдарға арналған.