Елорда маңына қатынайтын жолаушылар автобусының қозғалысы уақытша тоқтады

Нұр-Сұлтан қаласының маңындағы елді мекендерге қатынайтын жолаушылар автобусының қозғалысы уақытша тоқтатылды. Бұл туралы Azattyq Rýhy City Transportation Systems компаниясына сілтеме жасап хабарлайды.

«Ауа райының қолайсыздығына байланысты (қатты жел, жолдың нашар көрінуі) қала маңына қатынайтын барлық бағдардың қозғалысы тоқтатылды», - делінген компания таратқан хабарламада.

Кеше сағат 19:00-ден бастап Нұр-Сұлтанда боран, екпінді жел, қалың қар мен көктайғаққа  байланысты ескерту жарияланған болатын.

Айта кетейік, 30 наурызда «Қазгидромет» мәліметтері бойынша еліміздің Шымкент қаласынан басқа өңірлерінде дауылды ескерту жарияланған болатын.