Еліміздің бес өңірінде су тасқыны қаупі бар – ТЖМ

Azattyq Rýhy

Төтенше жағдай қызметі судың көтерілуі ғарыштан бақыланып отырғанын мәлімдеді

Фото: ашық дереккөзден

Бес облыста тасқын жүруі ықтимал. Ол Шығыс және Солтүстік Қазақстан, Қарағанды, Ақмола және Қостанай өңірлері, деп хабарлайды Azattyq Rýhy.

Төтенше жағдай қызметі судың көтерілуі ғарыштан бақыланып отырғанын мәлімдеді. Егер күн күрт жылынса, қауіп көбейеді. Ал егер қалыпты жағдайда болса, қиындық туындамайды, қауіп сейіледі. Биыл түскен қардың көлемі шекті мөлшерден аспаған. Ал тоңның қалыңдығы 30-40 сантиметрден 1 жарым метрге дейін жетеді. Осы уақытқа дейін Төтенше жағдай қызметі 1823 бөгетке техникалық бақылау жүргізді. Оның ішінде 25 гидротехникалық нысанның иесіз тұрғаны анықталды. Қауіп солардан болуы мүмкін.  

"Төтенше жағдайлар министрлігі, жол тазалау қызметтері, Индустрия және инфрақұрылымдық даму министрлігі және барлық жергілікті атқарушы органдармен осы қауіптің бетін қайтару бойынша біраз жұмыстар жасалды. Нәтижесінде 10010 елді мекеннің 340-ында су тасқу қаупі толығымен жойылды. Ал 385 елді мекенде барынша азайтылды және де 285 елді мекенде қазіргі таңда су тасу қаупі сақталуда. Осы шаралардың алдын алу үшін 50 мың адамды әзірлікке қойдық. Осындай су тасу қаупі болатын болса, Қазақстанның әр аймақтарында бұл кісілер өзінің жұмысын атқарады", – деді ҚР ТЖМ ресми өкілі Талғат Уәли. 
 

×
Бұл желілік ресурстың ақпараттық өнімдері 18 жастан асқан адамдарға арналған.