ШұғылКоронавирус вакцинасын салдырған қазақстандықтар саны 700 мыңға жуықтады

«Шашын алмаймыз». Министр дәрігердің ісінен кейін аяқасты шешім қабылдады

Ерлан Тұрғымбаев күдіктілердің шашын алуға рұқсат беретін бұйрықтың күшін жойды

Фото: sputniknews.kz

Ішкі істер министрі Ерлан Тұрғымбаев күдіктілердің шашын алуға рұқсат беретін бұйрықтың күшін жойдым деді.

 «Бізде санитарлық-эпидемиологиялық нормаға сәйкес, уақытша қамау изоляторына түскен адамның шашын 1,5 см-ге алып тастау туралы бұйрық болды. Енді мен осы бұйрықтың күшін жою туралы шешім қабылдадым. Сот шешімі шығып, адам колонияға түспейінше, оның шашын алмайды»,- дейді Ішкі істер министрі.

Бұйрықтың күшін жоюға Алматыда тергеу изоляторына қамалған Қанат Тезекбаевтың оқиғасы түрткі болды ма деген сұраққа министр екі-үш секундық үнсіздіктен кейін «кеше консилиум өтіп, сол кезде осындай шешім қабылдадық», - деп қысқа жауап берді.

Ішкі істер министрі сондай-ақ, 29 жастағы ұлы Нұрсұлтан Күдебаевтың өліміне қатысты тергеу кезінде оның әкесі, Алматы полиция департаментінің басшысы Күдебаев тергеу кезінде қызметінен шеттетілмейтінін айтты.

Кенжекей Тоқтамұрат, Нұр-Сұлтан