Елорданың медициналық ұйымдары Наурыз мейрамы күндері қалай жұмыс істейді

Azattyq Rýhy

Басқарма мереке күндері болғандықтан емханалардың жұмыс кестесі өзгеретінін атап өтті

Елорданың медициналық ұйымдары Наурыз мейрамы күндері қалай жұмыс істейді

Қалалық емханалар мен ауруханалар мереке күндері штаттық режимде жұмыс істейтін болады, деп хабарлайды қалалық қоғамдық денсаулық сақтау басқармасы.

Қалалық стационарлар азаматтарды жұмыс күндеріндегідей тәулік бойы қабылдауды жалғастырады. Резервтік бейінді палаталардың халыққа шұғыл медициналық көмек көрсету жұмысы тоқтатылмайды.

«Алғашқы медициналық-санитариялық көмек көрсету ұйымдарында мереке күндері халыққа медициналық көмекті кезекші дәрігерлер көрсететін болады. Сондай-ақ, сүзгі-кабинеттер, амбулаториялық пациенттерге медициналық көмек көрсететін мобильді бригадалардың үздіксіз жұмысы жалғастырылады. Жедел және консультациялық көмек көрсету үшін стационарлық көмекті жоғары білікті мамандар көрсететін болады», - делінген хабарламада.

Алайда басқарма мереке күндері болғандықтан емханалардың жұмыс кестесі өзгеретінін атап өтті.

Осылайша, емханалардағы кезекші қызметкерлердің жұмыс уақыты сағат 8:00-ден 18.00-ге дейін, сүзгі кабинеттер – 8:00-ден 20.00-ге дейін қабылдайды. Амбулаториялық пациенттерге медициналық көмекті тек жалпы тәжірибе дәрігерлер сағат 8:00-ден 16:00-ге дейін көрсететін болады.

Сондай-ақ 103 қызметі де қоңырауларды қабылдау және қала тұрғындарының шақыртуларына қызмет көрсету бойынша өз жұмысын тоқтатпайды – тәулігіне 24 сағат диспетчерлер мен жедел жәрдем бригадалары қызмет етуде.

×
Бұл желілік ресурстың ақпараттық өнімдері 18 жастан асқан адамдарға арналған.