Атырау облысында өткен мереке күндері 64 жол-көлік оқиғасы тіркелді

Атырау облысында өткен мереке күндері 64 жол-көлік оқиғасы тіркелді. Жол-көлік оқиғаларынан 5 адам әртүрлі дене жарақатын алды. Бұл туралы Атырау облыстық полиция департаментінің баспасөз қызметі мәлім етті, деп хабарлайды Azattyq Rýhy.

Департамент таратқан ақпаратқа сүйенсек, 64 жол-көлік оқиғасы 6-8 наурызда болған.

«Мәселен, 6 наурызда сағат 01:43 шамасында Жылыой ауданында жол апаты болып, 4 жолаушы әртүрлі дене жарақатын алды. Сол күні сағат 17:00 шамасында «Теңіз» вахталық қалашығының тұсында екі ауыр жүк автокөлігі соқтығысқан. Жол-көлік оқиғасының салдарынан дене жарақатын алған бір жүргізушіге дәрігерлік көмек көрсетілді», - деп мәлім етті департаменттің баспасөз қызметі. Қазір жол-көлік оқиғаларына қатысты тергеп-терксеру жүргізіліп жатыр.