Облыс орталығының басшысы бұған дейін «Атырау мұнай өңдеу зауытын» басқарған
Бүгін Атырау облысының әкімі Махамбет Досмұхамбетов Атырау қаласының жаңа әкімі Қайрат Оразбаевты таныстырды.
Қайрат Құлымұлы Оразбаев 1963 жылы 8 тамызда Атырау облысында дүниеге келген.
1987 жылы Қазан қаласындағы химия-технология институтын тәмамдаған, инженер-химик-технолог.
Еңбек жолын 1979 жылы «Маңғышлақ- мұнайбарлау» кешенді экспедициясында оператор болып бастады. Содан бері мұнай саласында бірқатар қызмет атқарған. 2013-2016 жылдары «Атырау мұнай өңдеу зауыты» ЖШС-нің бас директорының міндетін атқарушы болған.
Жақында Атырау қаласының бұрынғы әкімі болған Әлимұхаммед Құттымұратұлы өз еркімен қызметінен кеткенін мәлімдеді.