Нариман Курбанов спорттық гимнастикадан әлем кубогі кезеңінде топ жарды

Нариман гимнастикалық ат снарядында сынға түсіп, әлем үздіктерінің алдын орады

Фото: olympic.kz

Катар астанасы Дохада өтіп жатқан спорттық гимнастикадан әлем кубогі кезеңінде қазақстандық Нариман Курбанов жеңіске жетті, деп хабарлайды Olympic.kz.

Нариман гимнастикалық ат снарядында сынға түсіп, әлем үздіктерінің алдын орады. Ол финалдағы жаттығуы үшін төрешілерден 15.200 ұпай алған.

Күміс медальді ирландиялық Рис МакКленаган иеленсе, қола жүлдені армениялық Арутюн Мердинян жеңіп алды.

Айта кетелік, Нариман Курбанов Котбуста (Германия) өткен әлем кубогінде финалда өнер көрсеткен болатын.

Мақалада

#спорт #Әлем чемпионаты #Катар #спорттық гимнастика

Алдыңғы жаңалық

Медқызметкерлердің санаттар үшін берілетін қосымша ақысы қайтарылады