Арменияның жаңа президенті сайланды

Azattyq Rýhy

Бұрынғы президенті 23 қаңтарда отставкаға кеткен

Арменияның жаңа президенті сайланды

Армения парламенті жоғары технологиялық өнеркәсіп министрі Ваагн Хачатрянды ел президенті етіп сайлады. Бұл туралы заң шығарушы органның есеп комиссиясының басшысы Нарек Бабаян мәлімдеді, деп хабарлайды Azattyq Rýhy ТАСС ақпарат агенттігіне сілтеме жасап хабарлайды

Хачатрян президенттік қызметке жалғыз үміткер болды. Саясаткердің кандидатурасын билеуші партия ұсынды. Бірінші турда ол депутаттардың 69 дауысын жинады.

«Хачатрянға 71 депутат дауыс берді (екінші турда сайлау үшін кем дегенде 65 дауыс қажет)», - деді Нарек Бабаян отырыс барысында.

Айта кетейік, Арменияның бұрынғы президенті Армен Саркисян 23 қаңтарда отставкаға кететінін мәлімдеді. Ол бұл шешімнің себептерін мемлекеттің сыртқы және ішкі саясатының негізгі процестеріне әсер ету үшін қажетті өкілеттіктердің жоқтығымен байланыстырды. Армения 2015 жылғы конституциялық реформалардан кейін парламенттік басқару нысанына өтті, мемлекеттегі негізгі билік Үкімет пен Парламентінің қолында шоғырланған.

×
Бұл желілік ресурстың ақпараттық өнімдері 18 жастан асқан адамдарға арналған.