Президенттің Алматыдағы резиденциясы сүрілетін болды

Президенттің Алматыдағы резиденциясы сүрілетін болды. Бұл туралы Президенттің баспасөз хатшысы Берік Уәли мәлім етті, деп хабарлайды Azattyq Rýhy. 

Резиденцияның орнына қандай нысан салынатыны да белгілі болып отыр. 

“Мемлекет басшысы Қасым-Жомарт Тоқаевтың шешімімен қаңтар оқиғасы кезінде бұзақылар мен лаңкестер өртеп, қиратқан Алматы қаласындағы Президенттің қызметтік резиденциясы сүрілетін болды. Оның орнына қала тұрғындары үшін саябақ салынады”,- деп жазды Берік Уәли. 

Естеріңізге сала кетейік, қаралы қаңтар кезінде Алматыда ең көп бүлінген ғимараттардың бірі осы президент резиденциясы еді.