Ұлттық экономика вице-министрі қызметінен босатылды

Azattyq Rýhy

Оның бұл қызметті атқарғанына тұп-тура бір жыл болды

Қазақстан Республикасы Үкіметінің Қаулысымен Әлішер Елісұлы Әбдіқадыров басқа жұмысқа ауысуына байланысты Қазақстан Республикасының ұлттық экономика вице-министрі қызметінен босатылады. Бұл туралы ҚР Премьер-Министрінің баспасөз қызметі хабарлайды.

Әлішер Әбдіқадыров 1986 жылы Алматы қаласында туған. Ломоносов атындағы Мәскеу мемлекеттік университетін бітірген.

  • 2009-2015 жылдары Индустрия және сауда, инвестициялар және даму министрліктерінде жұмыс істеді.
  • Әр жылдары әкімдіктердің, «Қазақстан индустрия және экспорт орталығы» АҚ құрылымдарында жұмыс істеді.
  • 2021 жылғы ақпаннан қазірге дейін ұлттық экономика вице-министрі қызметін атқарды.
×
Бұл желілік ресурстың ақпараттық өнімдері 18 жастан асқан адамдарға арналған.