Қазақстандық ЖОО-ларға келуші шетелдік студенттер қатары көбейген

2018-2019 жылдары қазақстандық ЖОО-ларға білім алу үшін келген шетелдік студенттердің қатары 21,7 мыңға жеткен. Бұл алдыңғы жылмен салыстырғанда 56,3%-ға жоғары (13,9 мың болған) деп хабарлайды LS.

Білім алуға келген студенттердің дені Өзбекстаннан екен. Биыл көрші елден келген студенттердің саны 9,5 мыңға жетіп, былтырғымен салыстырғанда 2,5 есе көбейген.

Өткен жылы Қазақстанға білім алу үшін Үндістаннан 3,7 мың, Түркіменстаннан 2,6 мың, Ресейден 1,2 мың студент келген. Ал, Қытайдан - 1,2 мың, Қырғызстаннан - 1,1 мың, Моңғолиядан - 565, Тәжістаннан – 503, Ауғанстаннан – 399, Түркиядан – 233, Әзірбайжаннан -144 студент.