«Қара нарықтағы құны 149 млн теңге»: ҰҚК Алматыда есірткі зертханасын жойды
Заңсыз айналымнан психотроптық заттар алынды
2022 жылғы 4 ақпанда Ұлттық қауіпсіздік комитеті Алматы қаласы психотроптық заттарды заңсыз жасау бойынша есірткі зертханасын жойды. Бұл туралы Azattyq Rýhy ҰҚК-ның баспасөз қызметіне сілтеме жасап хабарлайды.
Заңсыз әрекетке қатысы бар деген күдікпен қала тұрғыны ұсталды.
«Заңсыз айналымнан шамамен 9 кг мефедрон және «α-PVP» психотроптық заттары алынды, олардың қара нарықтағы құны 149 млн теңгеге бағаланып отыр.
Басқа зерттеу барысында Алматы қаласында еліміздің батыс өңірлеріне жеткізу үшін арналған 500-ден астам «экстази» таблеткасы жасырылған жөнелтілім анықталды.
Қабылданған шаралар нәтижесінде 2022 жылғы 7 ақпанда ҚР азаматы ұсталды, оның тұрғылықты жері бойынша қосымша 200 г «а-PVP» психотроптық заты алынды», - делінген ҰҚК хабарламасында.
Сотқа дейінгі тергеу материалдары ҚР ҚК 297-бабының 3-бөлігі бойынша СТБТ-ға тіркелді.
