Республикалық автожолдарда су тасқынына дайындық шаралары басталды

Azattyq Rýhy

Су өткізу құбырлары мен көпірасты аймақтардың арналарын қардан тазарту жұмыстары да басталды

Республикалық автожолдарда су тасқынына дайындық шаралары басталды

Республикалық автожолдарда су тасқынына дайындық шаралары басталды, деп хабарлады Индустрия және инфрақұрылымдық даму министрлігі. 

"Республикалық автожолдарды су басып, шайып кетуін болдырмау үшін су тасқынына қарсы іс-шаралар жоспары бекітілді. Бұдан басқа, жол қызметтері өкілдерінен орталықта және өңірлерде комиссиялар құрылды.
Жоспар аясында 482 қауіпті жол учаскесі, 59 көпір және 739 су өткізу құбыры бақылауға алынды", – делінген хабарламада.

Объектілерге 883 жол-пайдалану техникасы бекітілді. Тәулік бойы кезекшілік ұйымдастырылып, жолдар мен жол құрылыстарына күнделікті патрульдеу жүргізіледі.

Сонымен қатар су өткізу құбырлары мен көпірасты аймақтардың  арналарын қардан тазарту жұмыстары басталды.

×
Бұл желілік ресурстың ақпараттық өнімдері 18 жастан асқан адамдарға арналған.