ШҚО-да тұрғындардан заңсыз сақталған қарулар тәркіленді

Шығыс Қазақстан облысының полицейлері «Құқықтық тәртіп» республикалық ЖПІШ өткізу аясында заңсыз айналымнан атыс қаруын алу бойынша іс-шаралар қабылдауда, деп хабарлайды Semeynews.kz.

Өңірде алдын алу іс-шарасы басталғаннан бері құқық қорғау органдары 30-дан астам түрлі қару тәркіледі. Олардың ішінде 4 шолақ мылтық, 7 ойық винтовка, 2 тапанша, оның ішінде қолдан жасалған револьвер, 22 тегіс ұңғылы мылтық, сондай-ақ РГД-5 әскери гранатасы бар.

Бұл заңсыз айналымда болған арсеналдың барлығы кез-келген уақытта заңсыз әрекеттер жасау кезінде пайдаланылуы мүмкін еді.

Тегіс ұңғылы қаруда тәркіленген адамдар ҚР ӘҚБтК-нің 482-бабы бойынша әкімшілік жауапкершілікке тартылды. Травматикалық және ойық қаруды заңсыз сақтаған азаматтарға қатысты ҚР ҚК-нің 287-бабы бойынша сотқа дейінгі тергеу жүргізілуде.

Ұсталғандардың бірі – ұйымдасқан қылмыстық топтың мүшесі, одан травматикалық тапанша мен жауынгерлік граната тәркіленді. Соттың санкциясымен ол қамауға алынып, қазіргі уақытта қамаққа алынған.