Теміртауда ер адам өзгенің пәтерін иемденіп алған

Azattyq Rýhy

Аталған факті бойынша қылмыстық іс қозғалды

Фото ашық дереккөзден

Теміртауда ер адам өзгенің пәтерін иемденіп алған,  деп хабарлайды Polisia.kz.

 4 ақпан күні Теміртау қалалық Полиция басқармасына қарасты Ескіқалалық полиция бөліміне 73 жастағы азаматша арызбен шағымданды. Жәбірленуші ағасы қайтыс болғаннан кейін оның пәтеріне ие болып қалған. Қаңтар айында туысынан қалған пәтерді тексеріп кетуге келген зейнеткер ол үйге кіре алмаған. Сөйтсе, белгісіз біреу қайтыс болған азамат маған бұрын қарыз болғандықтан, осы пәтерді берді деп үйдің есігін ауыстырып, пәтерді иемденіп алған. Полиция қызметкерлерімен арызды тексеру барысында пәтерге иелік ету құжаттары, сондай-ақ қайтыс болған азамат пәтерді туысқанына жазып кеткенін анықтады.

Аталған факті бойынша Қазақстан Республикасы Қылмыстық кодекстің 389-бабына сәйкес қылмыстық іс қозғалды. Тергеу амалдары жүргізілуде.

 

×
Бұл желілік ресурстың ақпараттық өнімдері 18 жастан асқан адамдарға арналған.