Утильалым ставкалары төмендетіледі – Әлихан Смайылов

Үкімет ластаушы заттар шығарындыларын азайтуға, қалдықтар мен су ресурстарын басқару жүйелерін жетілдіруге, көлдерді қалпына келтіруге бағытталған шараларды іске асыруын жалғастырады. Бұл туралы Премьер-министр Әлихан Смайылов Президенттің қатысуымен өткен Үкіметтің кеңейтілген отырысында мәлім етті, деп хабарлайды Azattyq Rýhy. 

Үкімет әзірлеген «Жаңа экономикалық бағыт. Бірінші қадам. 2022 жыл» атты іс-қимыл бағдарламасында утильалымның өзекті мәселесі де қарастырылған.

«Автокөлік пен ауыл шаруашылығы техникасының утильалым ставкаларын айтарлықтай төмендету мәселесі қайта қаралуда. Сондай-ақ, сарқынды суларды ағызу көлемін азайту, технологиялық қажеттіліктер үшін тұщы суды тұтынуды қысқарту, стихиялық қоқыс тастайтын жерлердің санын азайту жөніндегі іс-шаралар іске асырылатын болады», - деді Әлихан Смайылов.

Сонымен қатар, мемлекеттік басқаруды жаңғырту аясында  мемлекеттік органдардың ақпараттық жүйелерінің қайталануын және олардың толық интеграциялануын болдырмау үшін бірыңғай IT платформаға көшу қамтамасыз етіледі және мемлекеттік органдардағы процестер мен рәсімдердің реинжинирингі жүргізіледі.