Елордада көлік ұрлау көбейіп барады

Жыл басынан бері елордада 15 көлік ұрлау ісі тіркелді, өткен жылдың осы кезеңінде бұндай оқиға тек үшеу болған. Бұл туралы Нұр-Сұлтан қалалық ПД мәлім етті, деп хабарлайды Azattyq Rýhy.

Жедел-іздестіру шарасын жүргізу кезінде полиция қызметкерлері бұған дейін ұрлық жасағаны үшін сотталған 46 жастағы ер адамды ұстады. Күдікті «КамАЗ» автокөлігінің салонынан ақшалай қаражатты ұрлаған. Түс мезгілінде ол әріптес жүргізушімен бірге бара жатқан. Зардап шегуші автокөліктен шығып кеткенде күдікті оның сырт киімінің қалтасынан 80 мың теңгені ұрлаған. Ұсталушы кінәсін мойындады, қазір оның басқа қылмыстарға қатысының бар-жоғы анықталып жатыр. Аталған факті бойынша ҚР ҚК 188-бабымен («ұрлық жасау») сотқа дейінгі тергеу жүріп жатыр. 

Талдау көрсеткендей, жыл басынан бері елордада 15 автокөлік ұрлығы тіркелген, өткен жылдың сәйкес кезеңінде бұл көрсеткіш 3-ті құрады. Жедел-іздестіру іс-шаралары барысында барлық көлік құралдары табылып, иелеріне қайтарылды. Сонымен қатар, автокөлік ұрлықтарының саны айтарлықтай азайды. Егер өткен жылы қаңтар айында 21 автокөлік тонау тіркелсе, осы жылы барлығы 9 ұрлық ісі тіркелген. Полиция автомобиль салондарын тонау негізінен жүргізушілердің ұқыпсыздығынан болатынын атап өтті. 

«Көлік құралын қалдырып бара жатқанда салоннан барлық құнды заттарды өзіңізбен бірге алып жүруді ұмытпаңыз. Жүргізушілерге көлік құралын күзет дабылымен жабдықтауды, кетер алдында автокөлікті жабуды және автокөлікті тәулік бойы бақылауда болатын күзетілетін тұраққа қоюды ұсынамыз», - деді полициядан.