Тергеудің заңсыз әдісі туралы шағымдарды Бас прокуратура мен ІІМ мұқият тексереді

Azattyq Rýhy

ІІМ қаңтардағы тәртіпсіздіктер кезінде тонауға қатысқан адамдарды анықтау жұмыстары жалғасатынын айтты

 

Тергеудің заңсыз әдісі туралы шағымдарды Бас прокуратура мен ІІМ мұқият тексереді
© Sputnik

Ұрлық, тонау, соның ішінде тәртіпсіздіктер кезінде қару ұрлағаны үшін 322 күдікті ұсталып, УҰИ-ға қамауға алынды. Тергеу барысында істің мән-жайларын және күдіктілердің дәлелдерін мұқият тексеруге, сондай-ақ дәлелдемелер базасын жинауға баса назар аударылады. Бұл туралы ҚР ІІМ Тергеу департаментінің бастығы Санжар Әділов мәлімдеді.

«Бұрын хабарланғандай, тергеушілердің барлық іс жүргізу шешімдері қылмыстық процестің үш буынды моделі шеңберінде қабылданады, атап айтқанда, күдіктіні ұстау, оның әрекеттерін саралау, сондай-ақ бұлтартпау шараларын таңдау сияқты негізгі іс жүргізу шешімдері тек прокурормен келісіледі. Бұл ретте барлық күдікті адамдар дене жарақаттарының бар-жоғы медициналық куәландырылғаннан кейін ғана, оларды алу мән-жайлары бір мезгілде анықтала отырып, УҰИ-ға қамалады», - деп атап өтті ІІМ өкілі.

Сондай-ақ тергеудің заңсыз әдістері туралы барлық шағымдарды прокурорлармен бірге ІІМ ішкі қауіпсіздік бөлімшелері де мұқият тексереді.

«Тергеудің заңсыз әдістері туралы ақпаратқа қатысты Бас прокуратураның өкілімен әрбір шағым бойынша егжей-тегжейлі талқылау жүргізіліп, бірқатар қылмыстық істер басталғанын айта аламын. Сондай-ақ, қазіргі кезде қылмыстық істер бойынша барлық адамдар тергеу органдарына ресми түрде, қалаған жағдайда адвокаттарымен бірге шақырылады», - деді ІІМ өкілі.  

Осы мүмкіндікті пайдаланып, ол тағы да арандатушылыққа бой алдырмауға және жалған ақпарат таратпауға, тек ресми дереккөздерге сенуге және тергеу нәтижелерін күтуге шақырды. ІІМ елдегі құқықтық тәртіпті қамтамасыз ету және азаматтардың конституциялық құқықтарын сақтау бойынша барлық күш-жігерін жұмсайтынын мәлімдеді.

×
Бұл желілік ресурстың ақпараттық өнімдері 18 жастан асқан адамдарға арналған.