Павлодарда 15 жыл тұрақта тұрып келген әже қарттар үйіне орналасты

Павлодарда он бес жыл тұрақта тұрып келген әже қарттар үйіне орналасты. Басында баспанасы жоқ зейнеткер қарттар үйіне баруды өзі қалаған, деп хабарлайды Pavlodarnews.kz.

Қарт әженің жағдайы туралы «Vita»  қайырымдылық ұйымы  Іnstagram әлеуметтік желісіндегі парақшасында жариялады.

 «Қарттар үйінің басшысы Марина Стрелковская бізбен бірге 70 жастағы зейнеткердің жағдайын білу үшін екі мәрте барып, көрді. Жүрегі кең Марина Владимирқызына алғысымыз зор. Ол кісі Валя әжейдің барлық мәселелерін шешуге қол ұшын берді. Сонымен қатар, ол алдағы уақытта зейнетақы мәселелін де шешуді қолға алады», - деді еріктілер.

Волонтерлердің мәлімдеуінше, қарттар үйіне орналасқан әжеге күнделікті пайдалануға арналған заттар қажет.