Денсаулық сақтау саласындағы орташа айлық жалақы – 225 мың теңге

Денсаулық сақтау саласындағы жалақы ел бойынша орташа жалақыдан төмен

Фото ашық дереккөзден

Ұлттық статистика бюросының деректері бойынша 2021 жылдың үшінші тоқсанының қорытындысы бойынша денсаулық сақтау және әлеуметтік қызметтер саласындағы орташа айлық атаулы жалақы 225,1 мың теңге, деп хабарлайды Azattyq Rýhy.

Бұл ретте сектордағы жалақы 2020 жылдың үшінші тоқсанымен салыстырғанда 13,7%-ға өскен.

Денсаулық сақтау және әлеуметтік қызметтер саласындағы ең жоғары жалақы ауруханалық ұйымдардың қызметі (237,5 мың теңге) және денсаулық сақтау саласындағы қызмет (230,4 мың теңге) сегменттерінде белгіленді.

Ең төменгі жалақы әлеуметтік қызмет көрсету саласында (154,1 мың) байқалады.

Бұл ретте денсаулық сақтау саласындағы жалақы ел бойынша орташа жалақыдан төмен. Мәселен, 2021 жылдың үшінші тоқсанында алшақтық 7,6%-ды, бір жыл бұрын – 10,9%-ды, ал 2019 жылы бірден 27,4%-ды құрады.

×
Бұл желілік ресурстың ақпараттық өнімдері 18 жастан асқан адамдарға арналған.