БҒМ онлайн университет ашуды жоспарлап отыр

Жоғары оқу орындарында білім алу үшін гранттар саны 5 мыңға артады

Фото ашық дереккөзден

ҚР Білім және ғылым министрлігі алғашқы онлайн-университеттерді ашуды жоспарлап отыр, деп хабарлайды Azattyq Rýhy.

«ҚР БҒМ білім беру жүйесіне оқытудың жаңа құралын енгізуді жоспарлап отыр. Бұл жаңа форматта – онлайн оқыту туралы. Елімізде алғашқы онлайн-университеттер ашылады», - деді Білім және ғылым вице-министрі Қуаныш Ерғалиев.

Оның айтуынша, жоғары оқу орындарында білім алу үшін гранттар саны 5 мыңға артады, олардың 60%-ы техникалық мамандықтар бойынша бөлінеді.

Қуаныш Ерғалиев сондай-ақ «Болашақ» бағдарламасын қайта бағдарлау және реформалау бойынша жұмыс басталғанын атап өтті.