Елена Рыбакина әлемнің он екінші ракеткасы атанды

Azattyq Rýhy

Қазақстан теннисінің тарихында ешбір спортшы 12-орынға дейін көтерілмеген болатын

Фото: olympic.kz

Қазақстан құрамасының көшбасшысы Елена Рыбакина әлемдік рейтингте ресми түрде 12 орынға көтерілді, деп жазады Vesti.kz.

Бүгін, 16 қаңтарда Әйелдер теннисі қауымдастығының (WTA) жаңартылған рейтингі жарияланды.

«Осыған дейін 13 орында тұрған отандасымыз америкалық Совия Кенинді небәрі үш ұпайға басып озды», - делінген хабарламада.

11 орынға 2968 ұпайы бар ресейлік Анастасия Павлюченкова жайғасса, тунистік Онс Жабер 3500 ұпаймен ең үздік ондықты түйіндеп тұр.

Қазақстан теннисінің тарихында бұрын-соңды ешқандай спортшы 12 дейін көтерілмеген.

Қазақстан намысын қорғайтын тағы бір отандасымыз Юлия Путинцева рейтингте бір саты жоғарылады. Қазір Путинцева 1400 ұпаймен 42 орында. Сонымен қатар, төрт саты жоғарылаған Зарина Дияс 732 баллмен 104 орынға шықты.

×
Бұл желілік ресурстың ақпараттық өнімдері 18 жастан асқан адамдарға арналған.