Еңбек инспекторлары өткен жылы 5,8 млрд теңгеден астам жалақы бойынша берешекті анықтады

Мемлекеттік еңбек инспекторлары 2021 жылдың қорытындысы бойынша республиканың 1031 кәсіпорнында 25,4 мың жұмыскердің алдында 5,8 млрд теңгеден астам сомаға жалақы бойынша берешекті анықтады. Бұл туралы ҚР Еңбек және халықты әлеуметтік қорғау министрлігінің баспасөз қызметі хабарлады.

 Осы кәсіпорындардың басшыларына орындалуы міндетті 1198 нұсқама беріліп, 147,9 млн теңгеден астам сомаға айыппұл салынды. Қабылданған шаралар, соның ішінде жалақы бойынша берешекті өтеудің қатаң кестелері мен мерзімдерін белгілеу нәтижесінде 23,3 мыңнан астам жұмыскердің құқықтары қорғалды. Оларға 5,6 млрд теңге төленді.