Мемлекет басшысы: «Қылмыс жасаған адамдар заң бойынша жауапқа тартылады»
Қасым-Жомарт Тоқаев Бас прокуратураға басқа адамдардың кінәсі қандай дәрежеде екенін анықтауды тапсырды
Қазақстан Президенті Қасым-Жомарт Тоқаев қаңтар оқиғалары кезінде құқық бұзған адамдар жазаланатынын айтты. Бұл туралы Мемлекет басшысы Twitter-дегі парақшасында жазды, деп хабарлайды Azattyq Rýhy.
«Қасіретті қаңтар» оқиғалары кезінде және төтенше жағдай енгізілгеннен кейін түрлі құқықбұзушылық жасағаны үшін 2 мыңға жуық адам ұсталды. Қылмыс жасаған адамдар заң бойынша жауапқа тартылады», - деп жазды Мемлекет басшысы.
Сондай-ақ Қасым-Жомарт Тоқаев Бас прокуратураға басқа адамдардың кінәсі қандай дәрежеде екенін анықтауды тапсырды.
«Жауаптылықты ауырлататын мән-жай болмаса, жазаны жеңілдету үшін шара қабылдаған жөн», - деп атап өтті Президент.
Серіктес жаңалықтары
Көп оқылған
Редактордың таңдауы
