БҚО-да жол апатынан бес адам қаза тапты

Azattyq Rýhy

Оқиғаның мән-жайы анықталып жатыр

Фото ашық дереккөзден

Батыс Қазақстан облысында жол апаты орын алып, бес адам қаза тапты. Бұл туралы «Мой город» басылымы жазды, деп хабарлайды Azattyq Rýhy.

Басылымның мәліметінше, Орал-Атырау тасжолында "КамАЗ" бен Toyota Camry көлігі соқтығысқан.

"Көліктер соқтығысқаннан кейін өрт шыққан. Жол апаты салдарынан бес адам қаза тапты. Дерекке қатысты ҚР ҚК-ның 345-бабы "Жол қозғалысы ережісін бұзу" бойынша соталды тергеу басталды", - деді БҚО Полиция департаментінің баспасөз қызметі өкілдері.

Облыстық ТЖД баспасөз қызметі мәліметінше, жеңіл автокөлік толық жанып кеткен.

Қаза болғандардың жеке басы әлі анықталған жоқ.

Оқиғаның басқа да мән-жайы анықталып жатыр.

 

×
Бұл желілік ресурстың ақпараттық өнімдері 18 жастан асқан адамдарға арналған.