Қазақстанның тағы үш облысы коронавирус бойынша «қызыл» аймаққа өтті

14 қаңтарда Ақмола, Батыс Қазақстан және Павлодар облыстары коронавирустық инфекцияның таралу қарқыны бойынша «сары» аймақтан «қызыл» аймаққа, Алматы және Жамбыл облыстары «жасыл» аймақтан «сары» аймаққа көшті. Бұл туралы Azattyq Rýhy Covid-19 таратпау жөніндегі ведомствоаралық комиссияға сілтеме жасап хабарлайды.

Қазақстан өңірлеріндегі COVID-19 бойынша эпидемиологиялық жағдайды бағалау матрицасына сәйкес 14 қаңтардағы жағдай бойынша мынадай жағдай қалыптасты:

• «Қызыл» аймақ: Нұр-Сұлтан, Алматы, Шымкент қалалары, Ақмола, Ақтөбе, Атырау, Батыс Қазақстан, Қарағанды, Қызылорда, Маңғыстау және Павлодар облыстары;
• «Сары» аймақ: Алматы, Жамбыл және Қостанай облыстары;
• «Жасыл» аймақ: Шығыс Қазақстан, Солтүстік Қазақстан және Түркістан облыстары.