$ 495.28  518.41  5.44
ҚАЗ
×
Бұл желілік ресурстың ақпараттық өнімдері 18 жастан асқан адамдарға арналған.

Жаппай тәртіпсіздік салдарынан Қызылорда облысы 6 млрд теңге шығынға батты

Бизнес субьектілеріне келген шығын 400 миллион теңгеге жетіп қалды

Жаппай тәртіпсіздік салдарынан Қызылорда облысы 6 млрд теңге шығынға батты
Фото ашық дереккөзден

Қызылордаға жаппай тәртіпсіздіктен келген шығын көлемі – 6 млрд теңге. Шығынды есептеумен айналысқан арнайы комиссия осындай болжам айтып отыр, деп хабарлайды Хабар 24 арнасы.

 Қаруланған бұзақылар тобы мемлекеттік маңызы бар 8 нысанға шабуыл жасап, ғимараттарды қиратып, өртеп жіберген болатын. Сонымен қатар 26 кәсіпкерлік нысан бүлініп, бизнес субьектілеріне келген шығын 400 миллион теңгеге жетіп қалды. Бұл ретте кәсіпкерлік және туризм басқармасына хабарласқандардың өтініші терең талданады.

Қазіргі таңда тіршілікті қайта қалпына келтіру жұмыстары жүргізіліп жатыр. Өңірдегі азық-түлік қорында тапшылық жоқ. 34 әлеуметтік дүкен қалыпты жұмысқа кіріскен. Тұрақтандыру қорының қоймасында мың жарым тоннаға жуық өнім сақтаулы. Қозғалысқа қажетті газ, бензин қорында да жетіспеушіліктер жоқ. Өңірде антитеррорлық шаралар жалғасуда. Полиция органдарына 365 азамат жеткізіліп, 54-іне қатысты қылмыстық іс қозғалды.  Олардан 3 атыс қару, 13 суық қару, 8 қалқан, 4 каска, 5 дубинка тәркіленді.

 

Серіктес жаңалықтары