Павлодарда ауыл әкімдерінің сайлауы қалай өтті

Ұсынылған 206 кандидаттың 142-сі ер адам және 64-і әйел адам, деп хабарлайды Pavlodarnews.kz.

Бұл туралы Өңірлік коммуникациялар қызметіндегі баспасөз конференциясында Павлодар облыстық аумақтық сайлау комиссиясының төрайымы Гүлнар Аманжолова мәлімдеді.

«Барлығы 55 округ бойынша 206 кандидат ұсынылды. Саяси партиялардан 49 ауылдық округте 71 кандидат және өзін-өзі ұсыну жолымен 135 адам ұсынылды. 6 ауылдық округте кандидаттар өзін-өзі ұсынды», - деді Гүлнар Аманжолова.

Оның айтуынша, 2021 жылдың екінші жартыжылдығында 126 ауылдық әкімнің ішінен Павлодар облысының 13 өңірінде ауылдық округтердің, ауылдардың, кенттердің 55 әкімі сайланды. 159 сайлау комиссиясы (14 – аумақтық, 145 – учаскелік) жұмылдырылды.

Ең үлкен үміткер – 61 жаста, ең жасы – 25 – те. Ауыл әкімдігіне 139 кандидат Қазақстан Республикасы заңнамасының талаптарына сәйкес өтті. Тіркеу қорытындысы бойынша орташа бәсекелестік бір орынға 3 адамды құрады. Сайланған әкімдердің 48-ін саяси партиялар, 7-і өзін-өзі ұсынған. Сайланған 55 әкімнің 42-сі мемлекеттік қызметшілер болып саналады.

13 әкім бұрын мемлекеттік қызметте жұмыс істемеген, оның ішінде жетеуі – коммерциялық құрылымдардың өкілдері, 4 – бюджеттік ұйымдардың қызметкерлері, 2 – уақытша жұмыс істемейді. 7 әкім – әйел адам.

Жаңадан сайланған әкімдер халыққа 4 жыл қызмет етеді. Өз еркімен отставкаға кеткен жағдайда мерзімінен бұрын сайлау тағайындалады.

Қазір мерзімінен бұрын сайлау Михайловка және Железинка ауылдарында өтіп жатыр.