Атырау облысында полицейлер жолда адасып қалған қойшыны тапты

Azattyq Rýhy

Ер адам қожалықтан 15 шақырым қашықтықтан табылды

Атырау облысында мал айдауға кетіп, жолда адасып қалған қойшыны полицейлер іздеп тапты, деп хабарлайды Azattyq Rýhy polisia.kz-ке сілтеме жасап.

Атырау облысы Жылыой аудандық полиция бөлімінің «102» нөміріне 19 желтоқсан күні сағат 13:30 шамасында  жергілікті қойшының жоғалып кеткені туралы қоңырау түскен. Малды айдап келуге кеткен ер адам үйіне​ сол күйі қайта оралмаған екен. Анықталғандай, 47 жастағы қойшы Ақкиізтоғай ауылынан 10 шақырым жерде орналасқан қожалықтан мал айдап​ келе жатып, ауа райының күрт өзгеруіне байланысты белгісіз бағытқа кетіп, жолынан адасып қалған.

«Хабарлама түскен сәттен бастап, учаскелік полиция инспекторының көмекшісі Талғат Өтемұратов пен кинолог Нұрсұлтан Нұрланов, «Ральф» атты қызметтік-іздестіру иті және ТЖҚ қызметкерлерімен шұғыл түрде іздестіру жұмыстарын жүргізіп, нәтижесінде ер адам қожалықтан 15 шақырым қашықтықтан табылды», - делінген хабарламада.

×
Бұл желілік ресурстың ақпараттық өнімдері 18 жастан асқан адамдарға арналған.