10 желтоқсанға арналған ауа райы болжамы

Синоптиктер жұма, яғни 10 желтоқсанға арналған ауа райы болжамын жариялады, деп хабарлайды Azattyq Rýhy.

«Әлі де, ауқымды антициклонның ықпалымен республикамыздың басым бөлігінде жауын-шашынсыз ауа райы болады, тек ҚР батысында жаңбыр мен қар түрінде жауын-шашын жауады. Республика бойынша кей жерлерде тұман түсіп, көктайғақ болады, жел күшейіп, ҚР батысында жаяу бұрқасын, оңтүстігінде шаңды дауыл соғады», - делінген «Қазгидромет» РМК хабарламасында.

Жамбыл облысының солтүстігінде, таулы және тау бөктерлі аудандарында тұман түсіп, облыстың оңтүстік-батысында, солтүстік-шығысында және таулы аудандарда желдің күші 15-20, екпіні 23-28 м/с жетеді.

Түнде және таңертең Алматы облысының оңтүстігінде тұман түсіп, күндіз Алакөл көлдерінің ауданында жел жылдамдығы 18-23 м/с жетеді.

Түркістан облысының оңтүстігінде, батысында және тау бөктерлі аудандарында тұман түсіп, облыстың солтүстігінде және таулы аудандарында жел екпіні 15-20 м/с жетеді.

Батыс Қазақстан облысының солтүстігінде, солтүстік-батысында жаяу  бұрқасын, көктайғақ болып, облыстың оңтүстік-шығысында жел жылдамдығы 15-20 м/с жетеді.

Атырау облысының солтүстігінде, шығыс және орталығында тұман түсіп, көктайғақ болады, облыстың солтүстігінде жел жылдамдығы 15-20 м/с жетеді.

Күндіз Ақтөбе облысының батысында, оңтүстік-батысында көктайғақ болып, облыстың оңтүстік-батысында және орталығында жел жылдамдығы 15-20 м/с жетеді.

Маңғыстау облысының батысында, солтүстік-шығысында жел екпіні 15-20 м/с жетеді.

Қызылорда облысының орталығында жел жылдамдығы 15-20 м/с жетеді.

Ақмола облысының солтүстігінде, шығысында, Қостанай облысының солтүстігінде, Қарағанды облысының солтүстігінде және оңтүстігінде, Шығыс Қазақстан облысының шығысында, түнде және таңертең Солтүстік Қазақстан облысының оңтүстігінде тұман түседі.