Шұғыл: Тегеранда 180 адам мінген украиналық ұшақ апатқа ұшырады

BBC агенттігіның хабаралуынша украиналық "Боинг 737" ұшағының бортында шамамен 180 адам болған. Ұшақ Тегеранның халықаралық әуежайынан әуеге көтерілген бетте құлағаны айтылады.

Ирандық «Tasnim» агенттігінің хабарлауынша  ұшақ техникалық ақауларға байланысты құлаған. Ирандық БАҚ әуежай басшылығы апат болғанын растады деп хабарлады. Оқиға орнына құтқарушылар жіберілді.

«Ұшақ жанып жатыр. Мүмкін, кейбір адамдарды құтқарып қаламыз»,- деді Иран құтқару қызметінің басшысы Прихосейн Куливанд.

Ұшақ «Халықаралық Украина әуежолдары» компаниясына тиесілі.  Жолаушы ұшақтарының бағытын бақылайтын Flightradar24 сайты  «Боинг» Тегераннан жергілікті уақыт бойынша таңертең ұшқанын жазды. Ол туралы соңғы дерек 2 минуттан кейін түскен.