Қандастарға зейнетақы төлемін алуға құқық беретін жалған құжат жасаған азамат сотталды

Ол заңсыз әрекеті үшін сотталды

Мемлекет тұрақты негізде еліміздің барлық азаматтарына, оның ішінде басқа елдерден келгендерге әлеуметтік қолдау көрсетеді. Алайда, мемлекеттік көмекті теріс пайдалану фактілері де бар. Бұл туралы Azattyq Rýhy Қаржылық мониторинг агенттігіне сілтеме жасап хабарлайды.

Мысалы, Қаржылық мониторинг агенттігінің Алматы облысы бойынша аумақтық департаментінің қызметкерлері жедел-іздестіру шараларын жүргізу барысында 1971 жылы туған азамат Исхан Ұланды анықтады.

Ол Қытай Халық Республикасынан келген қандастарға жоғары әлеуметтік және зейнетақы төлемдерін алуға құқық беретін жалған еңбек кітапшаларын дайындаумен және сатумен айналысқан.

Тексеру барысында ҚХР түрлі ұйымдарының мөртабандары мен мөрлерінің жалған баспа-таңбалары, нотариустың мөрі мен қолы бар нотариаттық бланкілері, кесуге арналған станок және оның көмегімен жасалған жалған құжаттар (еңбек кітапшалары, туу туралы куәліктер және неке қию туралы куәліктер), басқа да заттар табылды және тәркіленіп алынды.

Исхан Ұлан сотталды.

×
Бұл желілік ресурстың ақпараттық өнімдері 18 жастан асқан адамдарға арналған.