Елімізде алдағы екі күнде -30 градусқа дейін аяз болады

«Қазгидромет» РМК алдағы екі күнге арналған ауа райы болжамын жария етті, деп хабарлайды Azattyq Rýhy.

Алдағы күндері Қазақстанның солтүстік және шығыс өңірлерінің тұрғындары, қысты сезінетін болады. Жылы Оңтүстік циклоны алмастыру үшін Атлант аймағынан суық антициклон қозғалуда.

«Суық ауа массаларымен қоректенетін ол жауын-шашынның тоқтап қалуына және ауа температурасының күрт төмендеуіне әкеледі.

7-8 желтоқсанда түнгі уақытта еліміздің солтүстігі мен шығысында термометр 22-30 аязды көрсететін болады. Ал республиканың оңтүстік өңірлері болса, Иран аудандарынан келетін жылы ауа массаларының қорғауында қалады. Мұнда айтарлықтай салқындау күтілмейді», - делінген «Қазгидромет» хабарламасында.