Сауд Арабиясы жалған екпе құжатымен ұсталған қажыларға 2 667 доллар айыппұл салады

Azattyq Rýhy

ҚМДБ Қажылық бөлімі ұмра қажылығына қойылатын санитарлық талаптарды түсіндірді

Жалған екпе құжатымен ұсталған қажылар айыппұл төлейді. Ұмра қажылығын өтеу талаптарын орындамаған не екпенің жалған құжатын пайдаланған жағдайда Сауд Арабиясы 10 мың риал (2 667 АҚШ доллары) көлемінде айыппұл салады, деп хабарлайды Azattyq Rýhy тілшісі.

ҚМДБ Қажылық бөлімі ұмра және қажылық парызын өтеуге ниет білдірген азаматтарға қойылатын талаптарды түсіндірді. Талап бойынша, Сауд Арабиясының ел және шетел азаматтарын індеттен сақтандыру мақсатында бекітілген екпенің бірін салдыру талабы орындалуы тиіс. Бұл тізімде Pfizer-BioNTech, AstraZeneca, Johnson&Johnson және Moderna екпелері ғана бар. Қазақстанда олардың тек біріншісін ғана алуға болады.

«Енді дәрігерлердің кеңесімен Pfizer вакцинасын қабылдаған кез-келген азамат сенімді деп саналған қажылық компанияларының бірімен заңды жолмен ұмра қажылығын атқарып қайтуына болады. Қазіргі уақытта кіші қажылық өтеуге ниет еткен жандардың қатары көбеюде. Мекке мен Мәдина қаласындағы мешіттерде күніне бірнеше рет залалсыздандыру жұмыстары жүргізіліп, қажылардың қауіпсіздігі басты назарға алынуда», – делінген ҚМДБ хабарламасында.

×
Бұл желілік ресурстың ақпараттық өнімдері 18 жастан асқан адамдарға арналған.