Израильдің Тель-Авив қаласында дзюдодан Гран-при турнирі өтеді
23-25 қаңтар күні Израильдің Тель-Авив қаласында дзюдодан биылғы маусымның шымылдығын түретін Гран-при турнирі басталады, деп хабарлайды Azattyq Rýhy тілшісі Olympic.kz-ке сілтеме жасап.
60 келідегі Елдос Сметов олимпиадалық рейтингте үздік үштікті тұйықтап тұр. Ол жапониялық Нагаяма Рюю мен өзбекстандық Шарафуддин Луфтиллаевты алға жіберген.
Ғұсман Қырғызбаев 8-орында. 66 келіде Ерлан Серікжанов 13-сатыда тұр. Ал Елдос Жұмақанов 20-шы орынға төмендеген. 73 келідегі Жансай Смағұлов 25, 81 келідегі Дидар Хамза 29- орында. Осы салмақта сынға түсетін Руслан Мұсаев 49-сатыда. 90 келідегі Ислам Бозбаев 18-орында. Аса ауыр салмақтағы Ерасыл Қажыбаев әзірге 35-орында тұр.
