Қазақстанда өткен тәулікте 19 адам COVID-19-дан қайтыс болды

Елімізде бір тәулік ішінде коронавирустан 19 адам қайтыс болды. Бұл туралы Azattyq Rýhy Денсаулық сақтау министрлігіне сілтеме жасап хабарлайды.

23 қарашада ПТР (КВИ+) расталған коронавирустан 19 адам қайтыс болды. Ал қуанышымызға орай коронавирус белгілері бар пневмониядан қайтыс болғандар тіркелген жоқ.

25 қарашада КВИ-дан 28 106 адам (24 235+ және 3 871 КВИ–) ем алып жатыр, оның ішінде стационарларда – 5 879 пациент, амбулаториялық деңгейде 22 227 пациент бар.

Науқастар арасында:

• ауыр халде – 444 пациент;
• аса ауыр халде – 117 пациент;
• ӨЖЖ аппаратында – 76 пациент.

Естеріңізге сала кетейік, өткен тәулікте Қазақстанда коронавирустық инфекцияның 946 жаңа жағдайы тіркелді. Ал 1392 науқас емделіп шықты.