АҚШ 10 миллион адам үшін covid-19-ға қарсы таблетканы сатып алады

АҚШ билігі американдық Pfizer компаниясы әзірлеген жаңа covid-19-ға қарсы  препаратты сатып алуды жоспарлап отыр. Бұл туралы The New York Times хабарлады.

Американдық басылымның мәліметінше, АҚШ президенті Джо Байденнің әкімшілігі Paxlovid таблеткаларына бес миллиардтан астам доллар жұмсайды. Бұл препаратты коронавируспен ауыратын он миллион науқасты емдеу үшін сатып алу жоспарлануда.

Pfizer Paxlovid-ті коронавирустың алдын-алу және аурудың ауыр ағымы бар науқастарды емдеу үшін қолдануға болатындығын айтты. Фармкомпанияда атап өткендей, бұл ауруханаға жатқызу немесе covid-19 жұқтырғаннан кейін өлім қаупін 89 пайызға төмендетеді.

Бұған дейін Pfizer фармацевтикалық компаниясына Ресейде COVID-19 препаратының тиімділігіне клиникалық зерттеулер жүргізуге рұқсат берілген. Клиникалық сынақтарға үйде covid-19 белгілері бар адамдармен байланыста болған 18 жастан асқан 90 ресейлік қатысады. Олардың арасында Мәскеу облысының, Санкт-Петербург, Барнаул, Смоленск және басқа қалалардың тұрғындары болады.